Ang kauna-unahang dulang musikal na isinagawa ng organisasyong Teatro Siklab Diwa. Ito ay nagsimula sa panunulat at direksyon ng presidente ng organisasyon na si Dhenise Nicole Cruz, at kapwa direktor na sina Bien Beneldi Ricohermoso, at Rosken Casiano.

Ang kauna-unahang dulang musikal na patungkol sa pag-iibigan nila Jericho at Emily na dating magkatunggali sa mga paligsahan sa kanilang paaralan. Sining ang kanilang naging daan kung paano sila nagkakilala, ito rin ang naging saksi sa kanilang pag-iiibigan. Ngunit nang sila ay sinubok ng tadhana at naghiwalay, sinong magaakala na sining din ang naging dahilan upang landas ng isa’t-isa ay kanilang muling matagpuan.

Sa likod ng samo’t-saring pagsubok, at sa pamamagitan ng pinagsama-samang talento, determinasyon, kooperasyon ng bawat miyembro at gabay ng mga gurong tagapayo matagumpay na naisakatuparan ang pagtatanghal ng musical na dula-dulaan na ito.

Hindi mabubuo ang isang dula kung wala ang mga magsisipag-ganap nito, kung kaya naman ito ay pinagbidahan ng mga natatanging miyembro ng Teatro na sina

Kissy Guntenas, Kimberly Acuna, Chester Jay Sala, Ryan Christopher Lancero, Alliah Reyn Llamado, Johnrey Ornada, Jervhy Clyde Escover, Stephen Sean Sumang, John Joseph Elejada, Gwen Aikee, Lerica Mae Bingayan.

Kabilang din dito ang mga natatanging miyembro ng Kasaglaw Dance Troupe na naglaan ng kanilang oras upang ibahagi ang kanilang talento sa pagsayaw at ang BSHS Arts Club sa kanilang galing sa paggawa ng mga sining biswal na naging malaking bahagi ng tagumpay ng nasabing Musikal na Pagtatanghal.